қазақша · русский · english
   
  Негізгі бет / БАҚ біз туралы
09.10.2019

Өзекті мәселелер екшелді

 


 

Президент Қ.Тоқаев өз Жолдауында ел дамуының осы үрдісін одан әрі жалғастыру үшін әлем мойындаған Назарбаев моделін жалғастыруды ұсынды. «Еліміздің даму жолын бүкіл әлем мо­йындап, қазақстандық, яғни Назарбаев моделі деп атады. Қазір бізге Тәуелсіздіктің жетістіктерін еселеп, елімізді дамудың жаңа сапалы кезеңіне шығару мүмкіндігі беріліп отыр», деді ол.

 

Сондай-ақ Мемлекет басшысы Үкімет мүшелеріне мемлекеттік ор­гандар мен өңірлердің, мемле­кеттік компаниялардың және ме­ке­мелердің басшыларына тиіс­ті реформаларды жүзеге асыру үшін дербес жауапкершілік жүк­телетінін мәлімдеді. Сондай-ақ реформаны тек реформа үшін жүр­гізуге жол берілмейтінін, әр­бір министрде және әрбір әкім­де нәтижелі жұмыстың негіз­гі көрсеткіштерінің тізімі болуы тиіс екенін ескертті. Шикі­зат­қа байланған менталитеттен бас тартып, экономиканы әртарап­тандыру қажеттігін, «Білім экономикасы», еңбек өнімділігін арт­тыру, инновацияны дамыту, жан­ды интеллектіні жаһандық да­мудың негізгі факторына айналдыру керектігін назарға салды.

 

Әлем назарын аударған ал­қалы жиында елдің көкейінде жүрген көптеген өзекті мәселелер туралы ой сарапталды. Әсіресе жердің шетелдіктерге сатылмайтыны туралы Президенттің нақты ойы көпшіліктің көңілінен шықты. Бірақ әрбір гектар жер­дің тиімді пайдаланылуы талап етіледі. Президенттің қазақ халқының мемлекет құру­шы ұлт ретіндегі рөлін бекем­деу, этносаралық татулық пен дінара­лық түсіністікті одан әрі дамыту, қазақ тілінің мемлекеттік тіл ретіндегі рөлін күшейтіп, ұлт­аралық қатынас тіліне айналдыру, Конституцияға сәй­кес, азаматтар өз ойларын еркін білдіру құқығына ие болу үшін митингілер туралы заңнаманы жетілдіру қажеттігі туралы айт­қандары да көкейдегі көп ойды дөп басып отыр.

 

Адамдарда мейірім мен қайы­рым азайып тұрған бүгінгі әлемде біздің елімізде де есірткі саудасы, педофилия, жыныстық зорлық, әйелдер мен балаларға, жеке тұлғаларға қатысты жасалатын ауыр қылмыстар бой көрсетіп отыр­ғаны белгілі. Жол­дауда осындай қылмыстарға қар­сы қолданылатын жазалау шараларын қатаңдату туралы мәселе көтеріліп, Үкіметке бұл жөнінде тапсырма берілуі өте орынды іс болды деп білеміз.

 

Мемлекет басшысының Жол­дауы­н­да білім саласына қатыс­ты бірқатар өзекті мәселе­лер сөз болды. Әсіресе орта және кәсіптік білім беру сапасын арттыруға айрықша назар аударды. Ауыл мен қала мектеп­тері арасындағы алшақтық әлі де үлкен, ауыл мектептерінде мұ­ғалім кадрлары жетіспейді. Жы­лына орта есеппен еліміз бойынша 21 мың мектеп бітіруші оқуға түсе алмай қалады. Не кәсібі, не жұмысы жоқ бала бұзақылыққа бармай қайтеді. Осыған байланыс­ты Президент мектеп бітір­ген түлектерді кәсіпке баулу мәселесін сөз етті. Сондай-ақ ауыл мектебін бітірген жастарды шетелдерде немесе еліміздің бел­ді оқу орындарына түсуге да­йын­дауды ұсынды. Мектеп оқу­лық­тарының сапасы төмен. Бұл мәселені Білім және ғылым ми­нистр­лігі шешуі керек, деді Президент.

 

Шын мәнінде де жоғары бі­лім беру саласында да қор­да­ланған мәселелер бар. Универси­тет тү­лектерін жұмысқа орналас­тырудың орташа көрсеткіші 60 пайыздан аспауда. Бұл ойландыратын мәселе. Жоғары оқу орындарындағы маман даярлау сапасы сын көтермейтінін айта келіп бәсекеге төтеп бере алмайтын білім ордаларын қысқарту керек дегенді ескертті. Сондай-ақ мұғалім мәртебесін көтеру туралы арнайы заң қабылданып жатқанын, алдағы үш жылда олардың жалақысы 2 есе өсетінін айтты. Президент Қазақстан ғы­лы­мын дамытуға байланысты да өз ойларын ортаға салды.

 

Абай атындағы Қазақ ұлттық педагогикалық университеті­нің профессор-оқытушылар құрамы мен қызметкерлері және бар­лық студенттері Президент Жол­дауын телеарналар мен әлеуметтік желі­лерден бірге тыңдап, өзара ой бөлісті. Олар Жолдауда ел­дің көкейінде көптен жүрген өзекті мәсе­ле­лердің қамтылуын бір ауыз­дан қолдады. «Қазақстан - ор­тақ шаңырағымыз! Мен бәріңіз­ді мерейлі мекенімізді өркен­детуге үлес қосуға шақы­рамын! Сын­дарлы қоғамдық диалог - татулық пен тұрақтылықтың негізі», деген Мемлекет басшы­сының жүрек­жар­ды сөзі жігері­мізге жігер қосуда.

 

 

Авторы: Такир Балықбаев,

Абай атындағы Қазақ ұлттық педагогикалық университетінің ректоры, профессор

09.10.2019 ж.

Ақпарат көзі: egemen.kz

 



225

Кері оралу

 
 
 
 
Besucherzahler
 
Besucherzahler